Pentagon şandina 5 hezar serbazên din bo Rojhilata Navîn gotûbêj dike

Ji ber aloziyên navbera Waşington û Tehranê, Fermandariya Navendî ya Hêzên Amerîkayê (CENTCOM) daxwaz ji Pentagonê kiriye, pênc hezar serbazên din bişîne Rojhilata Navîn, Pentagonê jî ragihandiye dê vê pêşniyarê binirxîne.

23.05.2019, Per - 12:20

Pentagon şandina 5 hezar serbazên din bo Rojhilata Navîn gotûbêj dike
Nuçe Belav bike

Du berpirsên pilebilindên Amerîkayê ku daxwaz kirine navê wan neyê aşkerekirin, ji medyayên welatê xwe re ragihandine, niha Pentagon nirxandinê ji bo pêşniyarekê dike ku daxwaza şandina 5 hezar serbazên Amerîkî bo Rojhilata Navîn dike.

 

Bi gotina wan herdu berpirsên Amerîkî, pêşniyar ji aliyê Fermandariya Navendî ya Hêzên Amerîkayê (CENTCOM) ve hatiye kirin û sedema wê pêşniyarê jî zêdebûna gefên Îranê bo ser hêzên Amerîkayê li navçeyê heye.

 

Pêştir medyayên Amerîkayê belav kiribûn ku rêveberiya Trump dixwaze rûbirûyê gefên Îranê bibe û ji bo wê yekê dixwaze 120 hezar serbazan bişîne Kendavê, lê belê piştre Trump ragihand, ew nûçe saxte ye ragihand, biryarek bi vî awayî di bernameya wî de tune ye û tekez kir, eger biryar jî were dan, ew dê serbazên zêdetir bişîne Rojhilata Navîb.

Nerina Azad
Vî nûçeyê tevayî: 360 kes dît.
Rojanekirina Dawî:01:50:23
Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?
Nerina Azad
x