Li Bakur û Rojhilatê Sûriyeyê Partiyên Yekîtiya Nîştimanî ya Kurd ava bû

Li Rojavayê Kurdistanê ji bo ku yekîtiya Kurdan bê avakirin ji aliyê 25 partî û tevger siyasî di bin navê "Partiyên Yekîtiya Nîştimanî ya Kurd" sîwanek hat avakirin.

20.05.2020, Çar - 13:39

Li Bakur û Rojhilatê Sûriyeyê Partiyên Yekîtiya Nîştimanî ya Kurd ava bû
Nuçe Belav bike

Li Rojavayê Kurdistanê ji bo ku yekîtiya Kurdan bê avakirin ji aliyê 25 partî û tevger siyasî di bin navê "Partiyên Yekîtiya Nîştimanî ya Kurd" sîwanek hat avakirin.

 

Der barê erka sîwanê de di daxuyaniya hate weşandin de hat gotin, “Wê bi navê "Partiyên Yekitiya Nîştimanî ya Kurd" çalakiyên hevbeş werin lidarxistin da ku pêşketinên heyî yên der barê yekîtiya Kurd de bişopîne, desteyek dê nûnertiya van çalakiyan bike.”

 

Daxuyanî wiha ye:

 

"Ji ber rewşa hestyar a ku Sûrîya û herêm bi temamî tê re derbas dibe, ji ber girîngiya hevdîtinên di navbera partiyên siyasî û hêzên Kurdî de û ji bo biserxistina destpêşxeriya Fermandarê Giştî yê Hêzên Sûriya Demokratîk (QSD) a der barê yekrêzîya Kurdan û yekkirina helwesta siyasî ya Kurdî li Rojavayê Kurdistanê de, me partîyên siyasî yên Rêveberîya Xweser a Demokratîk û hinek partiyên li derveyî Rêveberiyê 18’ê Gulana 2020’an de civînek li Qamişloyê li dar xist û ev biryar girtin:

 

- Li jêr navê "Partiyên Yekîtiya Nîştimanî ya Kurd", em ê xebatên hevbeş bimeşînin û pêşveçûnên heyî yên der barê yekrêzîya Kurdî de bişopînin ku karê şopandinê jî dê bikeve ser milên nûnertiyeke me ya nûavakirî.

 

- Me logoyek ji bo Partiyên Nîştimanî ya Kurd bijart.

 

- Wê bi berdewamî civînên nûnerên van Partiyan bên lidarxistin da ku nêrînên cuda yên der barê pêşveçûn û bûyerên nû de bên raberkirin û nîqaşkirin."

 

Partî û saziyên di bin sîwana Partiyên Yekîtiya Niştimanî ya Kurd de hatine ba hev wiha ne:

 

- Partiya Aştîya Demoqrat a Kurdistanê

 

 - Partiya Yekîtiya Demokratîk (PYD)

 

 - Kongreya Star

 

 - Partiya Demoqrat a Kurdî ya Sûrî (P.D.K.S)

 

 - Partiya Kesk a Kurdistanê

 

 - Partiya Çep a Demokrat a Kurd li Sûrîyê

 

 - Partiya Çep a Kurd li Sûriyê

 

 - Partiya Lîberal a Kurdistanê

 

 - Partiya Biratî ya Kurdistanê (PBK)

 

 - Partiya Niştimanî ya Kurdî li Sûriyê

 

 - Partiya Guhertina Demoqrat a Kurdistanê

 

 - Tevgera Nûjen a Kurdistanê-Sûrîya - Partiya Têkoşîna Demokrat

 

 - Partiya Azadî ya Kurdistanî ya Azad

 

 -Partiya Yekîtiya Niştimanî ya Azad-Rojava

 

 - Partiya Komarî ya Kurdistanî-Sûriya

 

 -Tevgera Çaksazîyê-Sûriya

 

 - Partiya Komunîst a Kurdistanê (KKP)

 

 - Partiya Roj a Demokratîk li Sûriyê

 

 -Şepêla Pêşeroj a Kurdistanê - Partî Demuqratî Kurdistanî-Sûrî

 

 - Yekîtiya Karkerên Kurdistanê (YKK)

 

 - Partiya Kombûna Niştimanî ya Kurdistanî

 

 - Partiya Rêkeftina Demokrat a Kurdî li Sûriyê

 

 - Partiya Demuqrat a Kurd li Sûrî (Partî)

Nerinaazad
Vî nûçeyê tevayî: 191 kes dît.
Rojanekirina Dawî:11:59:25
Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?
Nerina Azad
x